მობილური აპლიკაციის დამზადება

სმარტფონები და პლანშეტები დიდი ხანია რაც ჩვენი ყოველდღიური ცხოვრების შემადგენელი ნაწილია - კომუნიკაციითა და გართობით დაწყებული, შოპინგით გაგრძელებული, მობილურმა მოწყობილობებმა გარშემო არსებულ სამყაროსთან დაკავშირება ბევრად მარტივი და მოსახერხებელი გახადა. 

ამ ყველაფრის ერთ-ერთი მთავარი მიზეზი მობილური აპლიკაციებია, რომლებიც ყოველდღე უფრო იხვეწებიან და ახალ-ახალ შესაძლებლობებს გვთავაზობენ. 

მთელ მსოფლიოში ბიზნესი და სხვადასხვა ორგანიზაციები მაქსიმალურად ცდილობენ არ ჩამორჩნენ ტენდენციებს და აქტიურად არიან ჩართულნი მობილური აპლიკაციების შექმნაში, რათა დარჩნენ კონკურენტუნარიანი და მუდმივად ჰქონდეთ კავშირი მომხმარებელთან.

მობილური აპლიკაციები ერთ-ერთი ყველაზე ღირებული ინსტრუმენტია მომხმარებელთა ჩართულობისა და ლოიალობის შესანარჩუნებლად. ისინი უზრუნველყოფენ კომუნიკაციის პირდაპირ არხს მომხმარებელთან, რაც პერსონალიზებული შეთავაზებების, კამპანიისა და კონტენტის გაზიარების საშუალებას იძლევა. მობილური აპლიკაციები ასევე ძალიან მნიშვნელოვანია სხვადასხვა სექტორის კომპანიებისთვის მომხმარებლის ქცევისა და პრეფერენციების შესახებ ინფორმაციის მიღებაში, რაც შემდეგ პროდუქტის განვითარებისა და მარკეტინგული სტრატეგიების შემუშავებისთვის გამოიყენება.

შედეგად, მობილური აპლიკაციების დეველოპმენტი ერთ-ერთი ყველაზე მნიშვნელოვანი ნაბიჯია ციფრულ სამყაროში უკეთ პოზიციონირებისათვის. 63Bits არაერთ სერვისთან ერთად მობილური აპლიკაციების შექმნას გთავაზობთ. ჩვენ ვიყენებთ უახლეს ტექნოლოგიებს, რაც ჩვენთვის პროცესს ამარტივებს და აჩქარებს, ხოლო თქვენთვის კი აპლიკაციის დამზადების ხარჯებს ამცირებს.

მობილური აპლიკაციების დამზადება - როგორ მუშაობს 63Bits

დღესდღეობით მობილური ტელეფონების უმრავლესობა ორ განსხვავებულ პლატფორმას იყენებს: Android და iOS. შესაბამისად, აპლიკაციები ამ სისტემებზეა მორგებული და იმ შემთხვევაში, თუ აპლიკაცია ორივე პლატფორმაზე უნდა მუშაობდეს, თითოეულისთვის ცალ ცალკე იქმნება.

ჩვენთან ხელმისაწვდომია როგორც Android დეველოპმენტი, ასევე iOS დეველოპმენტი. 63Bits-ის პროფესიონალ გუნდს მობილურის არაერთი აპლიკაცია აქვს დაწერილი თანამედროვე მეთოდების გამოყენებით.

როგორ იქმნება აპლიკაციები - პროცესი შემდეგნაირად მიმდინარეობს

ანალიტიკა: სანამ აპლიკაციაზე მუშაობა დაიწყება, ჯერ მნიშვნელოვანია გაანალიზდეს სამიზნე აუდიტორია, მათი საჭიროებები და კონკურენცია ბაზარზე. ბაზრის კვლევა და მონაცემების ანალიზი ერთ-ერთი მთავარი წინაპირობაა, რომ სრულყოფილი აპლიკაცია შეიქმნას.

ტექნიკური დოკუმენტაციის შემუშავება: ბაზრის ანალიზის შემდეგ, საჭიროა დეტალური ტექნიკური დოკუმენტაცია, რომელიც ასახავს აპლიკაციის ფუნქციებს, კომპონენტებსა და ურთიერთქმედებებს.

დიზაინი: შემდეგი ნაბიჯი, რა თქმა უნდა სხვადასხვა ხელსაწყოებისა და თანამედროვე პრაქტიკის გამოყენებით, აპლიკაციის UI/UX დიზაინის შექმნა და დამკვეთთან შეთანხმებაა.

აპლიკაციის შემუშავება: დიზაინის დასრულებას მოჰყვება მობილური აპლიკაციის შემუშავება. აპლიკაციის კოდის შესაქმნელად გამოიყენება პროგრამირების ენები, როგორიცაა Java ან Kotlin ანდროიდისთვის, ან Swift ან Objective-C iOS-ისთვის, ხოლო დეველოპმენტის ფრეიმვორქები - Xcode ან Android Studio.

აპლიკაციის ადაპტაცია სხვადასხვა მოწყობილობებზე: მობილური მოწყობილობები მუშაობს სხვადასხვა პლატფორმაზე, როგორიცაა Android და iOS, ეკრანის სხვადასხვა ზომითა და გარჩევადობით. ამიტომ, აუცილებელია აპლიკაციის ადაპტირება სხვადასხვა მოწყობილობებზე. 

ტესტირება: ტესტირება არის გადამწყვეტი ნაბიჯი აპლიკაციების გამართულად ფუნქციონირების უზრუნველსაყოფად. გამოიყენება სხვადასხვა ინსტრუმენტები, როგორიცაა JUnit, Espresso Android-ისთვის, ან XCTest iOS-ისთვის.

გამართვა: ტესტირების დროს შეიძლება გამოვლინდეს შეცდომები. გამართვა გულისხმობს ამ საკითხების იდენტიფიცირებას და გამოსწორებას, რათა აპლიკაციამ გამართულად იმუშაოს.

გაშვება: მას შემდეგ რაც აპლიკაციის ტესტირება და გამართვა მოხდება, ის მზად არის გასაშვებადა. აპლიკაცია ქვეყნდება Google Play Store-ში, ან Apple App Store-ში ან აპების სხვა store-ში. 

63Bits მთელ ამ პროცესს დეტალურად გადის და უზრუნველყოფს, რომ მობილური აპლიკაციების დეველოპმენტი დროულად დასრულდეს, ხოლო საბოლოო შედეგი კი იდეალური იყოს.